Qozog‘iston Respublikasida baydarka va kanoeda eshkak eshish sport turi bo‘yicha o‘tkazilgan Osiyo chempionatida Xorazm viloyati vakili Xonzoda Erkinova yuksak natijalarni qayd etdi.

U musobaqaning U-23 yosh toifasida:
🥈 C-2 200 metr masofada — kumush medal,
🥉 C-2 500 metr masofada — bronza medalni qo‘lga kiritib, yurtimiz sharafini munosib himoya qildi.

Bugun Osiyo chempionati sovrindori Xonzoda Erkinova Urganch xalqaro aeroportida oila a’zolari, yaqinlari, Xorazm viloyati Sport boshqarmasi, sport federatsiyalari hamda sport ta’lim muassasalari vakillari tomonidan tantanali kutib olindi.

Sportchimizning ushbu muvaffaqiyati viloyat sporti rivojiga qo‘shilgan munosib hissa bo‘lib, kelgusi musobaqalarda ham unga ulkan zafarlar tilaymiz. 🇺🇿🏆